سيول وفيضانات مدمرة وانهيارات أرضية تضرب حضرموت ارتفاع أسعار النفط بعد إعادة فرض عقوبات أميركية على فنزويلا حادثة هي الأولى من نوعها وتفوق الخيال.. امرأة اصطحبت جثة عمها للحصول على قرض وزير الخارجية الإيراني يكشف تفاصيل مراسلات طهران وواشنطن قبل وبعد الهجوم الاحتلال الصهيوني يكشف عدد القتلى والمصابين في صفوف قواته منذ بدء حرب غزة كيفية تحويل محادثات واتس آب الرقم القديم إلى الرقم الجديد دون فقدان البيانات موعد مباراة مان سيتى ضد ريال مدريد فى ربع نهائى دورى أبطال أوروبا وظيفة راتبها 100 ألف دولار والعمل من المنزل.. ما هي المليشيات تكشف حقيقة سحب عملتها المعدنية الجديدة فئة 100 ريال واشنطن تعلن تنفيذ ضربات استباقية ضد الحوثيين
المشوار الصباحي من مدينة نصر إلى وسط البلد في القاهرة سفر حقيقي لا مزح فيه هو في أوقات الفراغ الجميلة نصف ساعة ولكن في زحام الظهر الشديدة لا تعد الساعات بل بالنهار كله لكن في المتوسط ساعتين ونصف !
لهذا أتسلح له بكل أنواع الصبر ابتدءاً من اللابتوب المشحون بالنت إلى جريدة يومية تكتب لك عناوين مفجعه اقلها أننا في حرب أهلية !!وان الدمار شامل وتذكرك بأفلام خالد يوسف عندما يخرج فيلم عن الحارة المكتظة بكل شيئ من شذاذ الساسة الى شذاذ الأفاق ومن حروب المخدرات إلى حروب الكواكب !! وتخرج وضغطك 40000 وقلبك مهموم تريد ان تضرب أول برلماني يعدي عليك !!
*عم حنفي السائق الأبهة الذي يحدثني وعينيه شبه مغلقتين يصمم على إعادة مؤشر الراديو إلى قناة الأغاني وليس راديو مصر ويوضح لي
- أصل الإذاعة دي اللي بتسمعها دائما ياباشا كل نص ساعة نكد!!
- ازاي ياعم حنفي؟
- كل نص ساعة نشرة أخبار.. يعني نكد!!؟
وإحنا مش ناقصين ياباشا ما تشوف قدامك الكوبري واقف ساعة ؟ كمان نسمع وقف البورصه ؟ ووقف الشغل؟ ووقف الحيل ؟
ولا أرد وأنا أتابع التلفون وأخبار عن تعز وضربها من الجميع
يسألني : مالك ياباشا أنت شفت عكننه بالتلفون ؟
-لا دي أخبار البلد سيئة يا عم حنفي
- هو أنت بلدكم فين ياباشا ولا مؤخذه يعني ؟
- أنا من تعز يا عم حنفي
- ودي فين دي ؟ مش في امبابة يعني ؟
- حاجة في الصعيد الجواني ياعم حنفي !
- ااااااه وأنا أقول شكلك صعيدي لابس بدلة لا مؤخذه ياباشا !
- أبداً يا عم حنفي هو فعلا صعيدي لابس بدلة!
- وايه اللي مزعلكم بالبلد بتعز دي ولا مؤخذه ؟
- الثورة مش ماشية يا عم حنفي ؟
- مش ماشية الزاي يعني بلا عجل ؟ كسروا رجلها الشمال !!
- ايوة كذه صح ياعم حنفي كسروا رجلها الشمال ! الله ينور عليك
- طيب اعملوا حاجة اي حاجة على رأي حليم برضه قول بحبك قول كرهتك بس قول اي حاجة !
- نحاول نعمل يا عم حنفي بس هم بيعملوا فينا حاجاااااااااااااات !
- هم مين ؟
- مش عارف يا عم حنفي الكل با يعمل في تعز الكل بيعمل بالكل والبلد رايحة في داهية
يتأمل عم حنفي بالكوبري الذي لا يتحرك من الزحام ويمسح عرقه عن جبينه العريض ويقول وهو يفتح عينيه لأول مرة من أسبوع تقريبا
- أنا عندي لك فكيره .. يعني فكره.. تروح للأستاذ احمد السقا وتعمل زيه
اسأله باندهاش مين احمد السقا ؟
يرد باندهاش أكثر السقا الممثل ياباشا مش انا باشوفك مع فنانين برضه ؟!
- ومالي انا والممثل ؟يا عم حنفي ؟
- اعمل زيه روح بلدكم تعز دي اللي في الصعيد الجواني واللي بيضربوها كلهم وبيعملوا فيها كلهم ولا مؤاخذه ( الكل با يشتغلها يعني ) روح هناك واعمل زي السقا بفيلم الجزيرة اضرب الكل بالنار واصرخ فيهم
(من النهارد مافيش حكومة... من النهارده .. انا.. الحكوووووووووووووووومه )
- يا عم حنفي نزلني هنا لو سمحت
ويندهش ح تروح فين ياباشا دي الكامعه ( يقصد الجامعه ) العربية لسه بعيد
ايوة نزلني هنا أشوف احمد حلمي صاحبي مش السقا !!